Татарстанда Яңа елга иң яхшы бизәлгән шәһәр яки авыл 11 миллион сум акча алачак

2020 елның 25 гыйнварына кадәр республикада муниципаль берәмлекләр арасында Яңа ел чарасына һәм бәйрәмгә иң яхшы бизәлеш буенча конкурс уза. Алты номинациядә җиңүчеләр үзара 11 млн сумнан артык күләмдә приз фондын бүлешәчәк.

Татарстан Президенты Рөстәм Миңнеханов инициативасы белән җиде ел элек безнең торак пунктларын, муниципаль районнарны һәм шәһәр округларын иң яхшы бизәүгә беренче конкурс игълан ителде. Шул вакыттан бирле бу хәрәкәт елдан-ел киңәя бара.

«Без 11 эшче төркем төзедек. Алар Яңа ел бәйрәмнәрендә барлык 43 муниципаль район һәм ике шәһәр округында булды. Шулай ук теге яки бу муниципаль районда бизәү буенча үз тәкъдимнәрен һәм беркетмәләр төзеде», — дидеТР Иҗтимагый палатасы рәисе Анатолий Фомин.