Укучыларыбыз яза. Табын – авылым 

Тормыш иптәшем белән 45 ел колхозда эшләп, пенсиягә чыктык. Хәзер Сарман районы Җәлил эшчеләр поселогында яшибез. Мин кулга каләм тотып шигырь яки мәкалә язган кеше түгел. Шулай да шушы шигыремне сезгә юллыйм. Шигырем авылга сәлам булып ишетелсә, бик шат булыр идек. Сезгә хөрмәт белән, алдан ук рәхмәт әйтеп, Тәлгать абыегыз һәм Мөнирә апагыз Хаҗиевлар.” 
Әлеге хатны безгә күптән түгел Тәлгать абыйның якыннары тапшырды. Тәлгать абый инде вафат икән. Алдагы шигырь юлларын ул язган. Язма аның рухына дога булып барсын. 
Табыным 
Табын – авылым, 
Шифа – җилләре! 
Җәйге айлы кичтә 
Күңелләр гел хистә! 
Җырлап үттек 
Авылым урамын. 
Шомырт чәчәкле 
Яз бакчаларың.