Казан шәһәрендә «Кирилл - Мефодий укулары» үтте

Казан шәһәренең  93 номерлы гимназия базасында Славян язуы һәм мәдәнияте көненә багышланган XXI республика «Кирилл - Мефодий укулары» узды. Чарада 15тән артык иҗат коллективы катнашты.
Район мәктәпләре укучылары читтән торып сайлап алу этабын уңышлы үттеләр һәм республика  укуларының йомгаклау этабында катнаштылар. Михайловка урта мәктәбеннән Зәринә Садыйкова, София Вахтинская, Гөлназ Кәримова, Әмир Хәсәншин, Зилә Вәлиева (җитәкчеләре Ольга Макарова, Гүзәл Игнатьева),  гимназиядән София Фазлыева (җитәкчесе Алсу Гомәрова, Алена Фазлыева),  Әмәкәй мәктәбеннән  Лилияна Мөбәрәкова (җитәкчесе Резеда Фәррахова),  Баек мәктәбеннән Мәликә Сруретдинова (җитәкчесе – Гүзәлия Ардуганова), Түбән Табын мәктәбеннән Аяз Садриев (җитәкчесе Фәридә Фәйзырова) үзләренең фәнни - тикшеренү һәм иҗади эшләрен  «Әдәби иҗат», «Рус әдәбияты» "Туган якны өйрәнү һәм этнология», «Пушкин ул  – без» секцияләрендә якладылар.

Җиңүчеләрне һәм призерларны бүләкләү һәм чараны ябу тантанасы А.С. Пушкин исемендәге мәдәният үзәгендә узды, дип хәбәр итә  "ТР Рус милли - мәдәни берләшмәсе" төбәк иҗтимагый оешмасының Мөслим бүлекчәсе җитәкчесе Галина Светлякова.

Галина Светлякова фотосы