Реверсияне ничек танырга?

 Реверсияне ничек танырга?

Авыруны түбәндәге билгеләрдән аерырга була:

• Яфраклар деформацияләнә – ягъни формасы үзгәрә, гадәттәге карлыган яфрагына охшамас булып китә.

• Яфраклар төсе куе яшел була, ләкин сәламәт карлыганныкы шикелле йомшак түгел.

• Чәчәкләр дә үзгәрә – касә яфракчыгы, җимешлек һәм серкәче шәмәхә төстәге таҗга охшап кала.

• Җимешләр я бөтенләй формалашмый, яки ямьсез, кыяфәтсез булып үсә.

 Иң мөһим: чирле куактан сәламәт җимеш алу мөмкин түгел.

 Беренче билгеләр күренүгә – шунда ук эш ит!

Авыруның беренче билгеләре күренү белән:

1. Чирле яшь ботакларны кисеп яндырыгыз. Бу – вирусны таратмау өчен иң мөһим адым.

2. Әгәр чир көчле таралган икән – бөтен куакны тулысынча төпләп, яндырыгыз, югыйсә күрше сәламәт куаклар да чирли башлаячак.

 Реверсия ничек тарала?

Бу вируслы авыруны таратучылар – гөблә һәм бөре талпаны (үсемлек бөҗәкләре). Шуңа күрә:

• Карлыганны утырткан беренче елларда һәрвакыт бу бөҗәкләрнең барлыгын тикшерегез.

• Бөҗәкләр күренүгә, аларга каршы көрәш алып барыгыз (инсектицидлар яки халык ысуллары).

Фото: Мөслим-информ