Өй җыештырганда

Тәрәзәләр "тирләмәсен" өчен аны глицерин белән сөртегез.
Көзгене чи суган белән чистартсаң, аңа чебеннәр утырмаячак.
Раковинада су тыгылмасын өчен вакыт-вакыт аңа ике-өч литр кайнар су агызыгыз. Ул торба эченә утырган майны эретә.
Газ плитәсен ашарга пешергәч үк сөртеп алырга гадәтләнегез.
Лакланган һәм полировкаланган мебельне коры чиста чүпрәк белән сөртегез. Иң яхшысы – фланель.
Линолеум җәелгән идәнне кайнар су һәм составында сода булган порошок белән юарга кирәкми.

Наилә Сәлахова  фотосы