Кәефегез төшсә, кыяр ашагыз, ди белгечләр

Кыяр ашагыз! Ул кәефне күтәрә... һәм алай гына да түгел. Ник дигәндә, анда серотонин дигән бәхет гормоны бар. Шуңа күрә бу яшелчәне кәеф төшкәндә, арыганда һәм депрессия вакытында ашарга киңәш ителә.
 Кыяр ябыгырга, шешенүдән котылырга, тиренең торышын яхшыртырга теләгән кешеләргә дә файдалы.
 Кыяр организмны чистартырга, ашкайнату системасы эшен яхшырта, целлюлиттан котылырга ярдәм итә.
 Бу яшелчә 95 процент судан тора, калган биш проценты клетчатка тәшкил итә. Кыяр шулай ук май барлыкка килүгә комачаулый торган тартрон кислотасына да бай.
 Кыярны чистартмыйча гына ашагыз. Аның кабыгында К, А, С һәм В төркеменә керүче витаминнар, шулай ук тимер, калий, фосфор, бакыр һәм магний минераллары бар.
Үзегезгә саклап куегыз һәм кәефегез төшкәндә укып алыгыз

Чыганак: Ватаным Татарстан

Оксана Исламова фотосы