Рус теле буенча Бөтенроссия укучылар олимпиадасы уза

Рус теле буенча Бөтенроссия укучылар олимпиадасының йомгаклау этабы Ставрополь шәһәрендәге Төньяк-Кавказ федераль университеты уку йорты базасында уза. Олимпиада 13 апрельдә башланып, 19 апрельгә кадәр дәвам итәчәк.
Татарстан Республикасы командасы составында  Мөслим гимназиясенең 11 сыйныф укучысы Разилә Ахунова да бар.
Катнашучылар өчен зур мәдәни программа да оештырылган.  «Россия – минем тарихым» дип аталган тарихи паркка автобус экскурсиясе, Төньяк-Кавказ федераль университеты һәм Ставрополь шәһәре музейларына экскурсия, Ставрополь дәүләт тарихи – мәдәни һәм табигый-ландшафт музей-тыюлыгына бару да каралган.
Рәзиләгә  уңышлар телибез, – дип язалар мәгариф идарәсеннән

Фото – мәгариф идарәсеннән