Мөслим кызы Наташа Галиева “Мядзведзь” белорус ризыгы рецептын тәкъдим итте

Кирәкле ингреди­ентлар: ярты килограмм бәрәңге, уртача зурлыкта­гы ике баш суган, 400 грамм ысланган казылык, ике аш калагы каймак, тәм буенча тоз, кыздырырга өч аш ка­лагы көнбагыш мае.

Әзерләү тәртибе. Су­ганны чистартабыз, ярымбоҗралап турыйбыз һәм табада кыздырабыз. Казылыкны уртача зур­лыкта шакмаклап турар­га кирәк. Тирән савытта бәрәңгене угычтан чыга­рабыз. Бәрәңге өстенә кыз­дырылган суганны, аның өстенә казылыкны салабыз. Тоз салып, яхшылап болга­табыз. Барысын да алдан әзерләнгән формага са­лабыз. Ризыкны порцион керамика чүлмәкләрдә дә пешерергә була. Өстен кай­мак белән сылыйбыз да ду­ховкада 30-45 минут чама­сы пешерәбез.

Тәмле булсын!

Фото – Наташа Галиеваның архивыннан