Луизадан – өлеш
Райондашыбыз Луиза Җиһаншинаның оста пешекче икәнен беләсездер инде. Ярминкәләрдә Луиза апа пешергән коймак- тәбикмәкләрне чират торып, яратып ашыйлар. Бүген сезгә Луиза ападан өлеш рецептын тәкъдим итәбез.
Кирәкле ингредиентлар: камыр өчен бер данә йомырка, ике аш кашыгы сөт өсте, ике аш кашыгы көнбагыш мае, өч аш кашыгы акмай, өч аш кашыгы җылымса су, тәменчә шикәр комы, тоз. Барлык ингредиентларны бергә кушып, йомшак итеп камыр басабыз. Әзер камырны ярты сәгать ял иттереп алырга онытмагыз.
Эчлек өчен кирәкле күләмдә тавык ите, бәрәңге, суган, тоз, борыч кирәк булачак.
Камырны өлешләп җәеп, эчлек салып бөгәбез. Кечкенә бәлешләр формасына китереп 190 градус кайнарлыктагы духовкада 50 минут пешерәбез.
Тәмле булсын!
Лилия Шәймева фотосы
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев