Югары нефть мәктәбендә иң тырыш, кыю һәм белемгә омтылучы укучыларны хөрмәтләделәр!
В.Н. Матвеев исемендәге Халыкара фән олимпиадасы тәмамланды. Ул ике айга якын, 9 февральдән 28 мартка кадәр дәвам итте һәм финалга 464 мәктәп укучысын җыйды. Аларның якынча 60ы Казахстан, Беларусь, Төркмәнстан, Үзбәкстан һәм Монголиядән килгән иде
Укучылар җиде юнәлеш буенча — физикадан алып кытай теленә кадәр көч сынаштылар. Нәтиҗәләр ике яшь төркемендә ясалды.
8–9 сыйныф укучылары дипломнар һәм кыйммәтле бүләкләр алдылар. Ә 10–11 сыйныф укучылары өчен бу — Әлмәт дәүләт технология университетының Югары нефть мәктәбенә укырга кергәндә өстәмә мөмкинлек тә:
җиңүчеләргә — 10 балл
призёрларга — 7 балл
өстәлә.
Белем бәйгесендә Мөслим укучылары да катнашты һәм югары нәтиҗәләргә иреште.
Г.Тукай исемендәге Мөслим урта мәктәбенең 8А сыйныф укучысы Үтәбаев Марат физика фәне буенча җиңүче булды. Маратның укытучысы - Лилия Минниярова.
Мөслим лицееның 10А сыйныфы укучысы Камил Исламов математика буенча - җиңүче, физика буенча призер. Камилнең остазы - Илмира Гыймранова.
Мөслим гимназиясенең 8Б сыйныфында белем алучы Альберт Сибгатуллин физика фәненнән призлы урын яулады. Укытучысы - Ринат Әгъләмов.
Мөслим горурлыгы булырлык укучыларга һәм аларның остазларына яңа фәнни үрләр, илһам һәм зур уңышлар телибез!
Фотолар – Мөслим урта мәктәбе, Мөслим лицее һәм Мөслим гимназиясе архивыннан.
Безнең телеграм каналга кушылыгыз! Телеграм-канал
Нет комментариев