27 декабрьдә «Ел укучысы» район конкурсының зональ этабы үтте

27 декабрь көнне Мөслим лицее базасында районның 4 гомуми белем бирү учреждениесеннән 8 укучы катнашкан «Ел укучысы» муниципаль конкурсының зональ этабы узды.

Чара дүртенче сыйныф укучылары арасында уздырылды. Барлык катнашучылар үзләренең укый-яза белү, сөйләм телен куллану осталыкларын һәм иҗатчанлык сәләтләрен күрсәттеләр.

Конкурс жюри карары буенча, Мөслим лицее укучылары югары нәтиҗәләр күрсәтеп, призлы урыннарны яуладылар:

• 4А сыйныфы укучылары: Хазиева Сафия, Шәйхетдинова Айсылу, Муллагалиева Илвина (укытучысы – Зиязова Алсу ).

• 4Б сыйныфы укучысы: Бухарин Рамазан (укытучысы – Шайдуллина Алия).

Фото – Мөслим лицееннан. 

Безнең телеграм каналга кушылыгыз! Телеграм-канал

Без "Дзен"да! Дзен