Яңача яшәргә өйрәндек. Римма Афзалова

Римма Афзалова, “Мөслим- информ” җитәкчесе:

– Коронавирус таралды дип, мәгълүмат чаралары эшен тук­тата алмый. Киресенчә, бу оч­ракта мәгълүмат чараларына ихтыяҗ, сорау күбрәк. Район­дашларыбызны үзизоляциядә булырга чакырып, үзебез дис­танция саклап эшләргә мәҗбүр булдык. Әмма, пандемиягә бәйле массакүләм чаралар тук­татылу сәбәпле, эштән вакытын­да кайтырга өйрәндек. Журна­листларыбыз ял көннәрендә ял итә башлады. Тик медаль ике яклы диләрме әле? Массакүләм чараларның туктатылуы башны күбрәк эшләтергә этәргеч бир­де. Материаллар өчен тема эзләп “баш миен штурмлау”лар тагын да ешрак була башлады. Корона­вирус коллективыбызга, бер йо­дрык булып тупланып, авыру­га да, авырлыкларга да каршы торырга өйрәтте кебек. Аллага шөкер! Сынатмадык, дип уйлыйм.