Яңача яшәргә өйрәндек. Илгиз хәзрәт Сөнгатулла

И л г и з хә з р ә т Сөнгатулла, Мөслим рай­оны имам-мөхтәсибе:

– 2020 ел үзенчәлекле һәм гыйбрәтле булды. Аллаһу Сөбханә вә Тәгалә кешелек дөньясына рәхмәт һәм бәрәкәте белән бергә авырлыгын да җибәрде – бәндәләрне авыру белән сынады. Бу кешеләрне уй­ланырга, тормышлары­на, кылган гамәлләренә нәтиҗәләр ясарга этәрде. Моны безгә Раббыбыз тара­фыннан бирелгән хикмәте, тәрбиясе дип кабул итәргә кирәк.

Мәчетләргә килгәндә, пандемия вакытында Та­тарстан Җөмһүрияте Ди­ния нәзарәтеннән барлык мәчетләргә дә җәмәгать на­мазларын укудан, дәресләр үткәрүдән тыелырга дигән әмер килде. Ураза гаетләре дә мәчетләрдә үткәрелмәде. Мәчетләрнең ябылуы бигрәк тә авылларда төрле авыр­лыклар һәм мәшәкатьләргә китерде, шуңа карамастан Аллаһ үз ярдәменнән ташла­мады. Әлхәмдүлилләһ, Кор­бан гаетенә Аллаһ йортла­ры үз ишекләрен ачты. Дин кардәшләребез саклану ча­ралары күргән хәлдә гамәл- гыйбадәтләрен кылдылар.

Яңа уку елында, ягъ­ни октябрь аенда Коръән һәм ислам нигезләренә өйрәнү буенча дәресләрне башлап җибәрдек. Авы­рудан саклану максатын­да санитар-эпидемиоло­гик таләпләрне үтәп. Җомга намазлары да җәмәгать белән мәчетләребездә укы­ла. Тән температурасы күтәрелгән, авырып торган кардәшләребезгә мәчетләргә килүдән тыелырга киңәш итәбез.

Катлаулы шартлар­да авыруларны дәвалау белән шөгыльләнгән та­библарга, шәфкать ту­ташларына мөхтәсибәт исеменнән рәхмәтләребезне ирештерәбез. Аллаһы Тәгалә аларга сабырлыкла­ры, фидакарьлекләре өчен әҗер савапларын бирсен. Барчабыз да сәламәт булыйк! Авыру сәбәпле бакыйлыкка күчкән дин кардәшләребезгә фирдәвес җәннәтләре на­сыйп итсен, якыннарына күркәм сабырлыклар бир­сен. Аллаһ Коръәндә әйтә: “И иман китерүчеләр! Са­быр итегез, сабырлыкта яры­шыгыз...” (Әл Гыймран, 200 аять).