"Волга» эксперт штабы Конституциягә төзәтмәләр буенча тавыш бирү буенча фикер алышачак

"Катлаулы эпидемиологик вәзгыять тавыш бирүне үткәрүгә нинди таләпләр куя? Җәмгыять яңалыкларны кабул итәргә ни дәрәҗәдә әзер? Чыннан да, тавыш бирү барышын күзәтүчеләр сыйфатында танылган блогерлар чыгыш ясаячакмы?". Оештыручылар әлеге сорауларны экспертлар алдына куя.

Утырышта ТР Үзәк сайлау комиссиясе рәисе Андрей Кондратьев, Татарстаннан Дәүләт Думасы депутаты Борис Менделевич, Гомумроссия тавыш бирүенә әзерлек буенча РФ иҗтимагый палатасының эшче төркеме әгъзасы, милли кыйммәтләрне яклау фонды президенты Александр Малькевич катнашачак.

Фикер алышуга җәмәгатьчелек белән элемтәләр буенча белгечләр: Россия политконсультантлар ассоциациясе президенты Алексей Куртов, җәмәгатьчелек белән элемтәләр буенча Россия ассоциациясе президенты Станислав Наумов, «җәмәгатьчелек фикере» фонды проектлары социологы һәм директоры Лариса Паутова да кушылачак.

Шулай ук онлайн-фикер алышуда бизнес һәм дәүләт элемтәләре буенча белгечләрнең “Милли Лигасы” («GR-лига») коммерцияле булмаган партнерлыгы президенты Марат Бәширов һәм «Бәйсез иҗтимагый мониторинг» ассоциациясенең башкарма директоры Алена Булгакова катнашачак.

Тулырак мәгълүмат: https://www.tatar-inform.ru/news/politics/18-06-2020/ekspertnyy-shtab-volga-obsudit-golosovanie-po-popravkam-k-konstitutsii-19-iyunya-5750490