Ураза бәйрәме уңаеннан Татарстанда озын ял көннәре булмаячак

Ураза бәйрәме уңаеннан Татарстанда озын ял көннәре булмаячак. Бу хакта республиканың агымдагы елга җитештерү календарендә билгеле булды.

Татарстанда Ураза бәйрәме көне республика Рәисе карары белән билгеләнә һәм бәйрәм ялы көне булып санала.

Быел бәйрәм көне, 30 март, якшәмбегә туры килә. Ләкин республика бәйрәме шимбә яки якшәмбегә туры килсә, ял көне икенче эш көненә күчерелми. Мондый практика федераль бәйрәмнәр очрагында гына кулланыла.

Татарстан халкы өчен киләсе озын ял көннәре 1 майдан 4 майга кадәр була. Бу хакта «Татар-информ» сайты яза. 

Фото – «Мөслим-информ» архивыннан