Түбән Камада 76 яшендә легендар хирург Идрис Вәлитов вафат булды

Түбән Кама үзәк район медицина берләшмәсенең матбугат хезмәтеннән хәбәр итүләренчә, Вәлитовны «Алтын куллы табиб» һәм «Барлык хирургларның укытучысы» дип атаганнар. Вәлитов үз тормышын Түбән Кама хастаханәсе белән бәйләсә дә, ул Алжирда практик күнекмәләр алган, Туниста үз тәҗрибәсен тапшырган һәм Германиядә алдынгы дәвалау методикаларын өйрәнгән.

Вәлитовның эше югары бүләкләр белән билгеләнгән. Аның ТРның атказанган табибы һәм РФнең атказанган табибы исемнәре, шулай ук «РФ сәламәтлек саклау отличнигы» билгесе булган.

«Ул дәвалап һәм операция ясап кына калмады – ул илһамландырды һәм мәктәп булдырды... Аның китүе – бөтен бер чорның ахыры. Ләкин аның мирасы, аның мәктәбе, коткарылган меңләгән тормыш һәм укучыларның һәм пациентларның чиксез рәхмәте безнең белән мәңгегә калачак», – дип язалар хастаханәнең матбугат хезмәтендә.

Чыганак: Татар-информ