Тойгелде авыл җирлеге үзешчәннәре сәхнә тотты

Бу юлы да җирлек 8 гармунчыны сәхнәгә чыгарды. Концертны исә яшь, әмма оста гармунчы Ринат Насыров ачты.

Концертта халык көйләре белән бергә заманча җырлар да яңгырады. Үзешчәннәр күмәк биюләре белән дә сокландырды. Ансамбльләр чыгышын халык аеруча яратып кабул итте кебек. Концертта өлкәннәр белән бергә яшьләрнең дә актив катнашуы сөендерде.

Ике сәгатькә якын барган концерт сизелми дә үтте. Зал тутырып килгән тамашачылар һәр чыгышны алкышларга күмде.