Ак барс банк клиентларының акчалары якын арада кайтарылачак

Ак Барс Банк клиентларның карталарыннан акча күчерүне техник тоткарлык белән аңлатты. Бу хакта банкның матбугат хезмәтендә хәбәр иттеләр.
"7 майда техник сәбәпләр аркасында банк карталарыннан акча күчерү очраклары булды», - дип аңлаттылар банкта.
Вәзгыять каракларның мошенниклык гамәлләре белән бәйле түгел. Банк клиентларыннан акчаларын салдыру һәм карталарны блокировкалаудан тыелуны сорады.
Кайбер клиентларның гына акчалары югалган. Акча якын арада клиентларның счетларына кире кайтарылачак. Бу тәүлек дәвамында башкарыла, дип өстәделәр банкта.
Күпме клиентның акчасы юкка чыккан икәнен, банкта хәбәр итмәгәннәр.