Республика клиник хастаханәсенә коронавирус йоктырган пациентлар китерелмәгән
Республика клиник хастаханәсендә бу мәгълүмат дөреслеккә туры килми дип белдерделәр һәм паникага бирелмәскә чакырдылар.
(Казан, 17 март, «Татар-информ»). Татарстанның Республика клиник хастаханәсендә дәвалау учреждениесенә коронавирус инфекциясе йоктырган пациентлар китерелүе турындагы мәгълүматны кире кактылар. Бу хакта «Татар-информ» агентлыгына хастаханәнең матбугат сәркатибе хәбәр итте.
Мессенджерларда Республика клиник хастаханәсенә коронавирус йоктырган пациентларны китерүләре турында хәбәрләр тарата башлаганнар.
«Әлеге мәгълүмат ялган, ул дөреслеккә туры килми. Кадерле татарстанлылар һәм республика кунаклары! Зинһар өчен, паникага бирелмәгез – Республика клиник хастаханәсе гадәти режимда эшли», - дип белдерделәр медицина учреждениесендә.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев