Татарстанда тавыш бирү өчен участокларның үткәрүчәнлеге 8 -12 кешедән артмаячак

«Тавыш бирү бүлмәсенә керү юлында барлык катнашучыларның да температура контроле үткәреләчәк. Шулай ук сайлау участокларында дезинфекцияләүче келәмнәр, антисептик чаралар урнаштырылачак, дистанцияне үтәү өчен 1,5 метр арада тамга төшереләчәк, ә яшерен тавыш бирү өчен кабиналар алгы шторкасыз булачак», — дип ассызыклады спикер.

Ул, Роспотребнадзор таләбе буенча, биналарны дезораторлар белән чистарту һәм мәҗбүри җилләтү каралган, дип өстәде.

"Тагын бер яңалык — тавыш бирүдә катнашучы паспорты сайлау комиссиясе әгъзасына кулга тапшырылмый. Без тавыш бирүдә катнашучылар арасындагы элемтәләрне киметергә тиеш», — дип билгеләп үтте Кондратьев.

Сайлау участокларында РФ Конституциясенә төзәтмәләр буенча гомумроссия тавыш бирү көнендә гражданнарга шәхси саклану чаралары таратылачак.

Тулырак мәгълүмат: https://www.tatar-inform.ru/news/politics/16-06-2020/odnovremenno-na-uchastki-dlya-golosovaniya-v-rt-budut-puskat-ne-bolee-12-chelovek-5749883