Татарстанда COVID-19дан 2 яңа үлем очрагы расланды

1938 елгы Татарстан кешесе 23 июньдә Тукай район үзәк хастаханәсенә коронавирус йогышының авыр формасы һәм хастаханә эчендәге, ике яклы пневмония белән хастаханәгә салына. Пациентның хәле начарлана. 15 июльдә ул үлә.
1951 елгы пациент Яр Чаллы шәһәренең ашыгыч медицина ярдәме хастаханәсе базасына 17 июльдә баш мие кан әйләнешенең кискен бозылуына шикләнеп хастаханәгә салына. Тикшерү нәтиҗәсендә пневмония ачыклана. Пациентның хәле авыр була һәм ул ИВЛ аппаратына тоташтырыла. 21 июльдә ул вафат була.
Ике очракта да үлем сәбәбе патологоанатомик экспертиза нәтиҗәсендә билгеләнгән. Вирус идентификацияләнгән.