Ә син түләдеңме?

Үзара салым акчаларын вакытында түләп бетерү мөһим, дип искәртәләр район Башкарма комитетында. Узган ел үзара салым түләмәгән райондашыбыз быел суд карары нигезендә үзара салым белән бергә штраф та түләргә мәҗбүр булды.
Үзара салым хисабына һәр җирлектә күләмле эшләр башкарыла. Авыл эчендәге юлларны ясау гына түгел, аларны ел әйләнәсе чистартып, тигезләп тору, су линияләрен алыштыру яисә башнясыз су җыю җайланмаларын урнаштыру, урамнарны яктырту һәм башка бик күп эшләр үзара салым ярдәмендә башкарыла. Үзара салымны 25 мартка кадәр җыеп бетергән очракта, аңа дүрт тапкыр арттырып кайтарылучы дәүләт ярдәме дә өстәләчәк.