Рөстәм Миңнеханов Яңа ел төнендә җәмәгать туклану урыннарының эшен өйрәнергә кушты

Бу хакта ТР Президенты матбугат хезмәте җитәкчесе Лилия Галимова хәбәр итте.
"Мәсьәлә керде, Президент аны күрде һәм Роспотребнадзор штабына бу эшнең санэпидбезопасность ягыннан ни дәрәҗәдә мөмкин булуын эшләргә кушты", — диде Галимова.
ТР Президенты матбугат хезмәте җитәкчесе, чараларны катгыйландыру яки йомшарту белән бәйле теләсә нинди карарлар административ кына кабул ителми, дип аныклады. Кулланучылар хокукларын яклау һәм кеше иминлеге өлкәсендә күзәтчелек федераль хезмәте, Сәламәтлек саклау министрлыгы вәкилләре һәм барлык хәвеф-хәтәрләрне бәяли алачак белгечләр белән консультатив эш алып барыла.

Тулырак мәгълүмат: https://www.tatar-inform.ru/news/society/03-12-2020/minnihanov-poruchil-izuchit-vopros-raboty-obschepita-v-novogodnyuyu-noch-5790018