Үпкә ялкынсынуы белән авыручылар арткан

Соңгы көннәрдә үпкә ялкынсынуы белән авыручылар саны арткан. “Бу – вируслы пневмония, кешедән кешегә тиз йога, саклану чараларын күрү зарур: кибетләргә, кеше күп йөри торган урыннарга маска һәм перчаткалардан йөрү кирәклеген онытмагыз!” – ди табиблар. Соңгы ике көндә 27 райондашыбызга пневмония диагнозы куелып, 7 кеше Яр Чаллы шәһәренең ашыгыч медицина ярдәме хастаханәсенә озатылган. Йөрәк-кан тамырлары авырулары белән чирләүчеләр саны да кимеми. Быел аллергия белән җәфаланучылар да шактый икән. Кояшка, тузанга, тополь мамыгына аллергияле кешеләрдә төчкерү, томалау билгеләре күзәтелә.