Мөслимдә булачак шоферлар арасыннан "иң оста"ны сайладылар
Районның ДОСААФ оешмасы "Юл иминлеге" дәүләт бюджет учреждениесенең Мөслим һәм Сарман районнары бүлеге белән берлектә бәйге оештырды. "Яшь инспектор" исеме астында узган конкурста егет-кызларның машина йөртү осталыгы бәяләнде.
Булачак шоферлар компьютерда юл хәрәкәте кагыйдәләренә кагылышлы сорауларга җавап бирде, аннары автодромда "тимер атлар"ны иярләде. Бәйгедә катнашучы һәркем шул рәвешле үзенең сәләтен, осталыгын тикшерде. Егетләр арасында беренче урынга Рафаэль Хуҗин чыкты, кызлар арасында Элиза Гыйздәтовадан да өлгере булмады. Җиңүчеләргә һәм барлык катнашучыларга кыйммәтле бүләкләр тапшырылды. Рафаэль белән Элиза "Яшь инспектор" бәйгесенең Яр Чаллы шәһәрендә үтәчәк финал турында катнашачак.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев