Мөслимдәге "Кояшкай" балалар бакчасы "Сәйяр" республика театр фестиваленнән җиңү белән кайтты

Мөслим "Кояшкай" балалар бакчасының музыка җитәкчесе А.М.Сәгъдиева җитәкчелегендәге театр коллективы, "Сәйяр" республика балалар һәм яшүсмерләр театр фестивалендә катнашып, "Нурлы сәхнә" номинациясендә җиңүче булды һәм Диплом белән бүләкләнде. Шулай ук Татарстан Республикасының мәгариф һәм фән министрлыгы тарафыннан театр коллективына фестивальнең зона этабында катнашканы өчен Диплом тапшырылды. Бүләкләү тантанасы Казан шәһәренең курчак театры бинасында узды.