Мини-футбол ярышлары узды

Спорткомплекста Татарстан Республикасының физик культура отличнигы Рафаэль Садриев кубогына мини-футбол ярышлары узды. Бәйгедә 2006-2007 елгы спортчыларны берләштергән җиде команды көч сынашты. Беренче урынны яулаган “Мирас” командасы район мәгариф идарәсенең Мактау кәгазенә һәм кубокка лаек булды. Икенче һәм өченче урыннарда – лицей командалары. Мөслим, Күбәк, Михайловка урта һәм Тат. Шуран гомуми төп белем бирү мәктәпләреннән килгән командалар да матур уен күрсәтте. Ярышның иң яхшы уенчылары Данияр Фазлыев, Артур Ермолаев, Алмаз Гарифуллинга кинотеатрга сертификат һәм кыйммәтле бүләк тапшырылды. Аларны Рафаэль Садриевның кызы Айгөл Шакирова гаиләсе әзерләгән иде.