Лагерьларның янгын куркынычсызлыгы тикшерелә

Җәйге чорда балалар өчен мәктәп яны лагерьлары һәм Нарат Асты авылында урнашкан “Урман иле” лагере эшли. Җәйге каникулларга кадәр лагерьларның янгын куркынычсызлыгы тикшерелә. “Узган атнада ведомствоара рейд үткәрдек. Балигъ булмаганнар белән эшләү һәм аларның хокукларын яклау буенча комиссия белән берлектә җирлектәге күпбалалы һәм авыр хәлдә калган дүрт гаиләдә булдык. Инвалид бала тәрбияләүче гаиләләр дә тикшерелде. Әлеге гаиләләрдә янгын куркынычсызлыгы буенча инструктаж үткәрдек, балаларның иминлеген тәэмин итү буенча профилактик әңгәмәнең дә файдасы булыр, дип уйлыйбыз” ,– ди Мөслим һәм Сарман районнары буенча янгын күзәтчелеге бүлеге инспекторы Илнар Идиятов.

Рубриканы Лилия Шәймиева алып бара.