Кичә район хакимиятендә район ветераннар Советының чираттагы утырышы узды

Анда район җитәкчелеге, совет әгъзалары, авыл җирлекләренең ветераннар Советлары рәисләре һәм ветераннар Советы белән тыгыз элемтәдә эшләүче оешма җитәкчеләре катнашты.

Төп мәсьәләләр Бөек Ватан сугышында җиңүнең 80 еллыгына әзерлек, тарих битләрен тулыландыру, яшь буынга әхлакый һәм партиотик тәрбия бирү турында булды. Район башлыгы Альберт Хуҗин эш планнары белән таныштырды. Утырыш эшендә катнашучылар фикер-тәкъдимнәрен җиткерделәр.

Актив ветераннар Фәхразый Ширияздан улы, Фирдәвес Фатыйх улы һәм Ришат Мирзаян улы район башлыгының Рәхмәт хаты белән бүләкләнде. Бу хакта район хакимиятенең матбугат хезмәте яза. 

Рәмилә Сәләмова фотолары