Бүген Мөслим районыннан җиде егет Россия Кораллы көчләренә контракт нигезендә хезмәт итәргә алынды

Аларны озатырга килгән район башлыгы урынбасары Азат Әхмәтҗанов һәрберсенә рәхмәт сүзләрен җиткерде. 
– Россия өчен катлаулы чорда илебезне якларга алынган һәр егеткә рәхмәт җиткерәбез. Җиңү белән исән-сау әйләнеп кайтыгыз, – диде ул.
Егетләр Казанда урнашкан “Патриот” җыелу пунктына юл алды. Регистрация үткәннән соң егетләрне баштанаяк киендерәләр, алар палаткалар, матраслар, аптечкалар, зур рюкзак белән тәэмин ителә. Моннан тыш районнан да аларга кирәкле әйберләр белән рюкзак тутырып җибәрелде. Казаннан егетләр хәрби частьларга озатыла.

Гөлназ Җәлилова фотосы