Казанда чүп яндыру заводы проекты буенча иҗтимагый фикер алышулар тәмамланды

Казанда «Нефрит-Р» чүпне термик эшкәртү комплексының экологик экспертизасы проекты буенча иҗтимагый фикер алышу нәтиҗәләре ясалды. Чарада 16 кеше катнашты, аларның күбесе объект төзелеше мөмкинлеге турында җитди борчылуларын белдерде.

Басылып чыккан нәтиҗәләрдән күренгәнчә, фикер алышуда катнашучылар проект документларында һавадагы артык агулы матдәләрне күзәтү булмавын билгеләп үттеләр. Берничә җирле кеше «Красный Пахарь» бакчачылык ширкәте янында чүп белән бәйле теләсә нинди производство урнаштыруга экология һәм сәламәтлек өчен куркынычлар сәбәпле кискен каршы чыкты.

Шәһәр хакимияте вәкилләре булган фикер алышуны оештыручылар экспертизаның мәҗбүри процедура булуын, ә спорлы территориядә тулы чүп яндыру заводы түгел, ә җиһазлар җитештерү өчен производство базасы гына урнаштырылачагын аңлаттылар. Алар экологик контроль законнарга туры китереп катгый үтәләчәк дип ышандырдылар.

Исегезгә төшерәбез, Казанда һәм Мәскәү өлкәсендә чүп яндыру заводлары төзелеше проекты хәзерге вакытта финанс кыенлыклары аркасында туктатылды. «Ростех» җитәкчелеге дәүләт ярдәме яки кредит ставкаларын киметү шартларында эшне яңартырга исәп тота.

Автор: Рүзәлия ХӘКИМУЛЛИНА