Газета битеннән төшмәделәр 

Балалар һәм яшүсмерләр спорт мәктәбендә тренер-укытучылары Ларис Бариев кул астында шөгыльләнүче кул көрәше осталары турында соңгы ике елда күп яздык. Гимназиянең 9 класс укучылары Илһам Бариев һәм Ислам Гайнуллин узып баручы елда да ярышлардан кайтып кермәде. Бәйгеләрнең дә ниндиләре әле! Май аенда армрестлинг буенча Европа чемпионатында Татарстан һәм Россия данын яклады алар. Октябрь ахырында Румыниядә үткән дөнья чемпионатында Ислам – көмеш һәм бронза медальләр яулады, Илһам ике бронза медаль алып кайтты. Шундый егетләр һәм аларның тренеры турында ничек язмыйсың ди?!

Фото – "Мөслим-информ" архивыннан.