Файдалы киңәш

Соңгы вакытта модага кергән өске кием өстеннән чорнала торган калын һәм киң шарфларның бер файдасы да юк. Аның аша муенга җил барыбер керә. Шарф белән авыз һәм борынны капласаң, җылы сулыш белән ул тиз бозлана. Шарфның материалы йон булырга тиеш. Ангора, лама, мохер яки кәшемиргә өстенлек бирергә кирәк. Җылытсын өчен шарфны муенга бәйләгез. Аның очлары күкрәкне капларга тиеш. Аннан соң гына өс киемен кияргә була.

Фото-Pixabay.com