“Ел табибы – Ак чәчәкләр” конкурсы җиңүчеләрен бүләкләделәр

“Казан Экспо” күргәзмә үзәгендә “Ел табибы – Ак чәчәкләр” конкурсы җиңүчеләрен бүләкләделәр. Тантаналы чарада ТР Дәүләт Советы спикеры Фәрит Мөхәммәтшин, ТР сәламәтлек саклау министры Марат Садыйков катнашты. Бәйрәмгә район үзәк хастаханәсе баш табибы Дамир Сөләйманов, участок табибы Алсу Таишева, баш педиатр Резеда Мөҗипова, профсоюз комитеты рәисе Резеда Гыйльфанова да барды. “Ел табибы – Ак чәчәкләр” бәйрәме, медицина хезмәткәрләре көненә багышлап, 2008 елдан бирле үткәрелә.