Бүген ТР Рәисе Рөстәм Миңнеханов ветеринарларга 10 автосамосвал тапшырды

«Ветеринария хезмәте үзенең матди базасын яхшырта. Инде 29 машина бар, һәм бүген ветеринарлар тагын 10 автомобиль ала. Безгә махсуслаштырылган техника санын 45кә җиткерергә кирәк», - диде республика җитәкчесе.

Ветеринария хезмәтенең нәтиҗәлелегенә кешеләрнең тормыш сыйфаты бәйле, дип ассызыклады Миңнеханов.

«Татарстанда куәтле терлекчелек комплексы бар. Бездә бары тик эре мөгезле терлекләр генә бар – 800 мең баштан артык. Шуңа күрә ветеринария хезмәтенең төгәл системалы эше бик мөһим, һәм без моңа зур игътибар бирәбез», - диде ул.

Чарада Россия Федерациясе Авыл хуҗалыгы министры урынбасары Роман Некрасов, Татарстан Республикасы Авыл хуҗалыгы һәм азык-төлек министры Марат Җәббаров, Татарстан Республикасы Министрлар Кабинетының Баш ветеринария идарәсе башлыгы Тимур Галиев катнашты.

Чыганак, фото: Татар-информ