Бүген, 2025 елның 25 июлендә, Мөслимнең ГХАТ бүлегендә берьюлы 5 парның никахлашу тантанасы узды

Бу көннең үзенчәлеге — 25.07.2025 матур датасы гына түгел, ә ел башыннан бирле районда никахларын теркәгән 25 нче пар булуы да кызыклы. Чаллы егете белән - Яңа Сәет кызы, Яңа Сәет кызы белән Менделеевск егете, Мәлләтамак егете белән Мөслим кызы, Вәрәшбаш егете белән Мөслим кызы, Салауз-Мухан егете белән Мөслим кызының никахлары рәсми рәвештә теркәлде.

Биш парның икесе бәйрәм рухында музыка, котлаулар һәм традицион йөзекләр алмашу белән тантаналы чара үткәрде. ГХАТ хезмәткәрләре яшь парлар өчен аерым атмосфера тудыралар, мизгелнең әһәмиятен ассызыклыйлар.

"Парларның туй өчен символик дата сайлаулары гына түгел, ә бу көнне чын-чынлап истә калырлык итәргә теләүләренә без һәрвакыт шат. Бүген бездә юбилей парлары да, искиткеч тантаналар да булды - бу икеләтә күңелле", - дип билгеләп үтте ГХАТ бүлеге җитәкчесе Язилә Мәгалимова.

Фотода - Илнур һәм Ләйсән Латыповлар гаиләсе. Наилә Нәбиева фотосы.