Брифинг үтте

Кичә Татарстан Республикасы Министрлар Кабинетында Татарстанның җир һәм мөлкәт мөнәсәбәтләре министры Фәнил Әһлиуллин, Татарстан буенча дәүләт теркәве, кадастр һәм картография Федераль хезмәте идарәсе җитәкчесе урынбасары Лилия Борһанова һәм журналистлар  катнашындагы брифинг үтте.

Татарстан Республикасының чиктәш субъектлар белән чикләрен билгеләү мәсьәләсен, республика территориясендә комплекслы кадастр эшләрен үткәрү тәртибен аңлаттылар, шулай ук теркәлгән хокуклары булмаган күчемсез милек объектларын инвентаризацияләү буенча эшләрнең барышы турында фикер алыштылар. Шулай ук ел ахырына кадәр кадастр исәбенә республика чикләренең зур өлешен кую планлаштырылуын билгеләп үттеләр. Журналистлар үзләрен кызыксындырган сорауларга җавап алдылар.