Бүләкләргә бай чара

18 декабрь көнне район башлыгы Рамил Муллин җитәкчелегендәге делегация республика муниципаль берәмлекләр советының XIII съездында катнашты. Делегация составында 19 авыл җирлеге башлыгы да бар иде. Татарстан Президенты Рөстәм Миңнеханов муниципалитет башлыклары, мәгариф учреждениеләре вәкилләренә мәктәп автобуслары һәм автомобиль ачкычлары тапшырды. Татарстанның 44 районына 57 “Ford Transit” автобусы тапшырылды. Алар укучыларны мәктәп маршрутлары буенча йөртү өчен файдаланылачак. Моннан тыш, ТР Муниципаль берәмлекләр советы республика смотр-конкурсы нәтиҗәләре буенча иң яхшы муниципалитетлар да транспорт чараларына ия булды. Бүләкләнүчеләр арасында Мөслим районы да бар.