Бергә булсак – көчлебез!

«Без балаларга террорлык актларының яшәешебезгә китергән куркынычы хакында сөйләдек.  Һәрвакыт сак булу, бер-беребезгә ярдәм итү һәм иминлек кагыйдәләрен белеп торуның әһәмияте турында  аңлаттык. Әңгәмә барышында балалар шикле тартмалар, пакетлар, төргәкләр күргәндә аларга кагылмаска,  тиз арада өлкәннәргә хәбәр итәргә кирәк, - дигән нәтиҗәгә килделәр.

Кызыклы сорау-җаваплар, уен алымнары һәм фикер алышу белән үрелеп барган чара барыбызга да файдалы булды. Куркынычсыз балачак – безнең уртак максат!» – дип хәбәр итәләр Елгабаш авылы мәдәният йорты хезмәткәрләре.

Фото – Елгабаш мәдәният йортыннан.