“Бердәм Россия” партиясе “Ныклы гаилә” проектын гамәлгә куйды

"Бердәм Россия" партиясе "Ныклы гаилә" проектын гамәлгә куйды. 28 февраль көнне "Бердәм Россия" партиясенең Мөслим районы җирле бүлегенең җәмәгатьчелекне кабул итү бүлмәсендә гражданнарны кабул итү узды. Гражданнарны Пенсия фонды бүлеге җитәкчесе Фарида Ганиева, социаль яклау бүлеге җитәкчесе Гөлнар Фатхуллина, район башкарма комитетының инфраструктура үсеше бүлеге җитәкчесе урынбасары Роза Миргалауова кабул иттеләр. Ике һәм күбрәк бала тәрбияләүче гаиләләр өчен махсус ипотека программасында катнашу, ана капиталын файдалану, пенсияга чыгу яшен озынайту һәм башка мәсьәләләр буенча сораулар бирелде.