Мөслимдә белдерү такталары куеп чыктылар

Теләсә кайда белдерү ябыштыру законны бозуга керә. Мондый хәлләр булмасын өчен Мөслимдә белдерү такталары куеп чыктылар. Алар район мәдәният йорты каршында, коры сөт заводы, күпфункцияле үзәк, үзәк хастаханә, “Чишмә” кибете, укытучылар йорты биналары тирәләренә урнаштырылды. Халык җирлектәге үзгәрешләргә, булган яңалыкларга уңай карашта. Чыннан да, Мөслимдә кайчан, нәрсә була? Кем килә? Нинди тамаша көтелә? Барысы да белдерү такталарында урын алган. Халыкка да уңайлы. Күргәннәрен онытмаска дип, кайберәүләр игъланнарны кәрәзле телефоннарына да төшереп ала. Киләчәктә белдерү такталары Мөслимдә тагын дүрт җиргә куелыр дип көтелә.