ТР Бадминтон федерациясе вәкилләре Мөслимгә килде

Районыбыз бадминтончылары Татарстан Республикасы бадминтончылар федерациясе белән тыгыз элемтәдә эшли. Шушы көннәрдә бадминтон федерациясе вәкилләре - республика бадминтончыларының төп тренеры Игорь Назаров һәм баш хөкемдар, Идел буе физик культура, спорт һәм туризм академиясенең теннис һәм бадминтон кафедрасы укытучысы Альфред Шәмгуллин Мөслимгә килде. Алар яшь бадминтончыларга киңәшләрен бирделәр, универсаль спорт залында дүрт урында бадминтон мәйданчыгы ясадылар.