7 июль көнне авылыбызда «Гаилә бәхет ачкычы» исемле урам бәйрәме үткәрелде

Бәйрәмне Казан шәһәреннән килгән кунагыбыз "Җырлы яшьлек" төркеменең алып баручысы Наил Мубаракшин алып барды. Программада яңа җырлар, күңелле уеннар, дискотека булды. Бәйрәмдә уеннарда, биюләрдә теләгән һәркем катнашты, күңел ачты. Авылыбызның иң өлкән кешесе Әлфия апа да безгә үрнәк күрсәтеп үзенең матур җырларын бүләк итте. Бәйрәмне оештыручы, автор - башкаручы Венера Нургалиевага зур рәхмәтләребезне җиткерәбез. Һәрвакыт шулай бердәм булыйк, җырлап яшик!- ди Үрәзмәт авылы халкы.

Фото – Үрәзмәт авылы мәдәният йорты архивыннан