24 мартта мөслимлеләр бушлай юридик ярдәм алачак

24 март көнне Россия Федерациясендә халыкка бушлай юридик ярдәм күрсәтү буенча Бөтенроссия көне үткәрелә. Әлеге чара "Россия юристлар ассоциациясе" Бөтенроссия иҗтимагый оешмасы тарафыннан оештырыла. Бу көнне гражданнарның сорауларына юстиция министрлыгы вәкилләре, прокуратура, суд приставы, нотариус хезмәткәрләре, адвокатлар җавап бирәчәк. "Бердәм Россия" сәяси партиясенең Мөслим җирле бүлегенең иҗтимагый кабул итү бүлмәсендә дә (Мөслим авылы, Пушкин ур., 26) нотариус Мансур Мөҗипов (8.00-10.00 сәгатьләрдә), Рамил Латыйпов (10.00-12.00), суд приставы Илвир Бәхтиев (13.00-15.00), прокуратура хезмәткәрләре (15.00-17.00) кабул итәчәк.