Түбән Табын интернат-мәктәбе укучылары ГТО нормативларын тапшырды

ГТО ("Хезмәткә һәм оборонага әзер") — безнең илдә 1931 елда төзелгән физик әзерлек программасы. ГТОның төп бурычы - россиялеләрне күбрәк спорт белән шөгыльләнергә этәрү. Спорт нормативларын уңышлы тапшырган катнашучыларга бронза, көмеш яки алтын билгесе бирелә."Традиция буенча Түбән Табын интернат-мәктәбе укучылары ГТО нормативларын тапшырды. Алар яхшы нәтиҗәләр күрсәттеләр һәм үз яшьләренә туры килгән барлык нормативларны да уңышлы тапшырдылар. 17 гыйнварда мәктәпнең спорт залында тантаналы шартларда ГТО нормативларын уңышлы тапшырган катнашучыларга билгеләр һәм таныклыклар тапшырылды", - дип хәбәр итә Мөслим районы буенча ГТО администраторы Расил Фәттахов. Шулай ук проектны гамәлгә ашыруда һәм популярлаштыруда актив катнашканнары өчен мәктәп директорлары Дамира Гыйләҗева, укытучылар – Айрат Хөсәенов, Илсөя Шәйгарданова, Чулпан Хаҗиева Рәхмәт хатлары белән бүләкләнде.

Фотолар - Расил Фәттаховтан.