Әтиләр көненә багышланган ярышлар үтте

«Яшьлек» спорт залында Әтиләр көненә багышланган ярышларның муниципаль этабы узды.

"Бәйгедә әти һәм улдан торган 14 команда катнашты. Алар турникта күтәрелүдә, баскетбол уйнауда, озын скакалкада сикерүдә, эстафета таягы белән йөгерүдә, обручлар белән эстафета үтүдә, туплар җыюда көч сынашты. Катнашучыларның ГТО нормативларын тапшырып, үзләрен сынап карау мөмкинлеге дә бар иде.

Ярышның нәтиҗәләре түбәндәгечә булды:

1 урында – Гизтдиновлар командасы;

2 урында – Маннановлар командасы;

3 урында – Гобәйдуллиннар командасы.

I һәм ll урын яулаган командалар октябрь аенда Казан шәһәрендә узачак ярышның финал этабында Мөслим данын яклау хокукына ия булды " - дип хәбәр итәләр район хакимияте матбугат хезмәтеннән.

Фотолар - "Яшьлек" спорткомплексы архивыннан