12 июнь – тугрылык һәм бердәмлек көне

– Минем өчен Россия көне – Ватаныбыз һәм Татарстаныбыз белән чын күңелдән горурлану көне. Шундый күпмилләтле һәм тату республикада яшәү зур кыйммәткә ия. ТР Рус милли-мәдәни берләшмәсенең Мөслим бүлеге җитәкчесе буларак, мин көн саен төрле милләтләрнең мәдәниятләренең гармониядә үсүен күрәм. Районыбызда да төрле милләт вәкилләре бер-берсенә терәк булып, дус-тату яшиләр. Без бәйрәмнәрне бергәләп үткәрәбез, гореф-гадәтләребезне уртаклашабыз, туган җиребезгә хезмәт итәбез. Безнең илебезнең зур байлыгы ул – төрле милләтләр арасындагы хөрмәт, тынычлык һәм татулык. Минем өчен Россия кече ватанымнан башлана. Ул – Мәллә елгасы буе, Михайловка авылының ямьле урамнары, гаилә традицияләренең һәм йөрәгебез җылысы. Ул – ата-бабаларыбызны һәм балаларыбызның киләчәген кайгырту. Барлык мөслимлеләргә ныклы сәламәтлек, иминлек, игелек һәм уңышлар телим.

Галина Светлякова, ТР Рус милли-мәдәни берләшмәсенең Мөслим бүлеге җитәкчесе.