Хастаханәгә күзләре кызарганга борчылып килүчеләр күп

Тузан, кояш нурлары аркасында бакчада эшләгәндә дә күзләргә зыян килергә мөмкин. “Тузан керү, пычрак кул белән күзләрне уу сәбәпле конъюнктивит барлыкка килә: күзләрнең лайлалы тышчасы ялкынсына. Вируслы конъюнктивит еш кына ОРВИ белән бергә бара. Авыру төчкергәндә күзләргә вирус эләгү ихтималы бар. Берничә көннән бактерияләр дә кушылса, хәл катлаулана: күзләр эренли башлый. Үз белдегең белән дәвалану куркыныч. Күзләрне дәвалау схемасын табиб билгеләргә тиеш”, – ди район поликлиникасы офтальмологы Нәкыйбә Гайнетдинова.

Фәридә Гайнетдинова фотосы