Сәламәтлек

Фармаколог: Антибиотикларны табиб кушуыннан башка кабул итәргә ярамый

Бу хакта «Время Н» мәгълүмат агентлыгы белән әңгәмәдә табиб-клиник фармаколог Наталья Варламова сөйләгән

Антибиотикларны контрольсез кабул итү сәбәпле, организмда бактерияләрнең препаратларга каршы торучанлыгы формалашырга мөмкин. Бу хакта «Время Н» мәгълүмат агентлыгы белән әңгәмәдә табиб-клиник фармаколог Наталья Варламова сөйләгән. Ул антибиотикларның рецептлы препаратларга керүен, аларны табиб кына билгели алуын искәртте. Антибиотикларны нигезсез куллану шулай ук ашказаны-эчәк тракты эшчәнлеген бозу, дисбиоз һәм аллергия реакцияләре китереп чыгарырга сәләтле.

Югары куркыныч зонасына стационарда, шулай ук реанимация һәм интенсив терапия бүлекләрендә еш яки озак дәваланучы кешеләр керә. Антибиотикларны контрольсез кабул иткән яки врач билгеләгән схеманы һәм курсның озынлыгын бозган кешеләр өчен дә куркыныч факторы арта, дип кисәтте Варламова.

Фото – Татар-информ


Нет комментариев