Баш авыртып мөрәҗәгать итүчеләр күбәйгән

Соңгы вакытта район хастаханәсенең ашыгыч ярдәм бүлегенә баш авыртып мөрәҗәгать итүчеләр күбәйгән. “Бу аңлашыла, эсседә тир бүленеп чыгу көчәя, шул сәбәпле организмга су җитмәскә мөмкин. Сыеклык җитмәү – җәен баш авыртуның киң таралган сәбәбе. Шуның аркасында кан йөреше начарлана, баш миен кан белән тәэмин итү бозыла һәм нәтиҗәдә баш авырта. Җәй көне тәүлегенә 2-2,5 литр су эчәргә кирәк. Бу – сәламәт кешеләргә киңәш. Йөрәк яки бөер авырулары белән интеккәндә, суны күп эчәргә ярамый”, – дип кисәтә район хастаханәсенең ашыгыч ярдәм бүлеге фельдшеры Гөлфирә Сабирова.

Фото: Мөслим-информ